Üse Verein beschteit us viune junge, dynamische u ungerschidleche Type. Ganz klar, dass es bi dere Viufaut o zwüschedüre vorchunnt, dass dr eint oder anger Chiubigigu e ussergwöhnlechi Tat oder Leischtig voubringt. Us däm Grund wähle mir jedes Jahr dr
Jedes Mitglied het im Verlouf vom Jahr d'Müglechkeit, am Vorstand sini Nomination/e am Vorstand mit z'teile. Are letschte Vorstandssitzig vor dr Ichüblete wird de anhand wieterer Kriterie usdiskutiert wär de schliesslech i die engeri Uswau chunnt. Die drü oder vier ändgültige Nominatione wärde de när ar Ichüblete churz präsentiert u de entscheidet de d'Wau schlussändlech.
Jetzt weisch, wie das ganze ablouft, aber iz nimmt's di sicher wunder, wär de bis hüt so ussergwöhnlechi Sache het gleischtet u d'Ehr cha gniesse, i üsi Hall of Fame ufgnoworde dsii.
Nach sim Comeback im Jahr 2019 het är würklech Gas gä u wahrschienlech fokusiert uf das Ziel gschaffet. Dr
isch mit ganzem Härz derbi wes drum geit, mau eine z'näh. Är isch zo ziemlech a jedem Event derbi gsi u het sithär o i de verschiedenschte OKs mitgwürkt. U als Medizinmann het är iz scho mängem bi sine Liede ghufe, Merci & Gratulation! Mir si gspannt was dr Bäri i däm Jahr aues wird gseh u erläbe...
Dr
aka Käpt‘n Ahab, hett im 2023 ä solidi VBCG-Leischtig a Tag respektive id Nächt gleitt u isch drum zum Gigu 2023 küürt wordä. Hie no mau si Leischtigsuswiis (näbscht au sinä Qualitäte, wo dr Captiano süsch mitbringt): a aunä Events derbi gsi, 2 Mau imene OK mitgwürkt, Erfinder vom Freestyle-Event u vom Autjahres-Brätlä, Schwingerchönig mit aaschliessender wuchelanger Rippepreuig.
Es voilà, iz isches eistimmig gsi! Dr
het sich wie immer aus aktive Event-Teilnähmer u geile Siche aus e wahre Chiubigu zeigt. Im 2022 het är aber no mau eine zuesätzlech druf gleit u het iidrücklech zeigt was me i 1 Wucheänd doch so aues cha dri ine packe. Chapeau u Gratulation!
Es isch es ganz ängs Renne zäme mit em Sänä gsi: Aber schlussändlech chas nume 1 gä! Dr
aus usduurende «Berichte-NID-Schrieber» u «NID-Organisierer» isch e sichere Wärt aus Event-Teilnähmer u eigentlech eine vo dene wos immer dürezieht bis d'Sunne wieder uf geit.
Trotz no es paar Fake-Nominatione isch dr Fau dasmau eigentlech klar gsi u dr Räscht vom Vorstand het das glatt Hingerrücks vom Präsi entschiede:
20 Jahr Chiubigigu-Präser, das seit gloub aues!
Das mau het e Stichwau entschiede, dr
het dr Bohne chönne usstäche u meh Lüt vo sich u sim Engagagement chönne überzüge. Härzlechi Gratulation zu däm ehrevoue Titu!
Verdient mit sim säubschtlose Iisatz isch dr
eistimmig zum Gigu vom Jahr gwäut worde. Konstanti Teilnahm a dä Events u churzfrischtig iigsprunge aus Ersatz-Maa imene Event-OK mache ihn somit zumene berächtigte Träger vo däm Titu.
Die diesjähregi Wau zum Chiubigigu vom Jahr isch ufä
gfaue. Är het einisch meh Vorbild-Charakter zeigt u bewiese, dass meh e Event o nach sehr widrige Umständ no fertig macht. Wäschpis hin oder här.
Obwou är doch tatsächlech i däm Jahr a kem einzige Event het chönne derbi si, isches ziemlech klar gsi wäm die Ehr zuechunnt:
Aus langjährige Präser wo üses Schiff immer suverän düre Sturm füehrt, het är doch es relativ "schwärs" Jahr hinger sich gha. U trotzdäm het är sich nie us dr Rueh la bringe. Gratulation, das isch wahrhaftig verdient!
Nachemene herte Chopf a Chopf-Renne mitem Hene het är d'Wahl für sich chönne entscheide. Dr
isch Chiubigigu vom Jahr 2015! Aus 100%-Teilnämer u Mitglied vo grad mehrere Event-OKs isch är zwar gliichuf gsi mitem Hene, ds'Stäche het är aber när klar für sich chönne entscheide (Chapeau, nachemene Fondue Chinoise no fasch es Grosses exä isch nid schlächt). Dä Titu isch somit verdient a ihn gange!
Mit Geduld, unermüedlechem Iisatz sowohl aus Organisator wie o aus Teilähmer het's dr
zum zwöite Mau zum Chiubigigu vom Jahr gschaft! Gratulation, das isch - wie o scho dr erscht Titu - ächt verdient!
Ä ware Gigu zeigt o nachem strubschte Usgang wari Kameradschaft. So het dr
ir letschte Zyt souverän a aune Events teilgno, ds Journal mitem einte oder angere Brichtli beriicheret u het öppe mau no geduldig eine wo nüme het chönne deheime abglieferet...
Nachem knappe zwöite Platz im letschte Jahr het ärs das Jahr ändlech gschafft! Dr
isch aus zueverlässige Teilnämer aber vorauem o treue Organisator u Häufer vo scho zahlriche Events zum Träger vo däm ehrehafte Titu worde!
Zum erschte Mau ir Gschicht vo de Chiubigigle hets eine zum zwöite mau gschafft, die Trophäe z'gwinne. Dr
het Dank sim unermüedleche Iisatz das Renne ziemlech dütlech für sich chönne entscheide. Gratulation!
Ufgrund vom nöie u fairere Nominations-Verfahre isch aalässlech vor Ichüblete 2011 mitemene überwäutigende Mehr dr
zu Chiubigigu vom Jahr g'wäuht worde. Aus "stiue aber unermüedleche Häufer im Hintergrund" het är die Uszeichnig sicher meh aus verdient.
Nach unermüedlechem Iisatz u Wärbe isch dr
am Special-Event (trotz Abwäseheit ;-) zum Chiubigigu vom Jahr 2009 ernannt worde. D'Fröid bi ihm isch umso grösser gsi u dä Pokau wird bi ihm i guete Häng si.
Nacheme herte Bestätigungs-Verfahre het dr
sini Wahlmehrheit zum Chiubigigu vom Jahr 2008 bestätigt. Aus sehr engagierts Mitglied het är sich das Bärli zu Rächt verdient.
Mit grosser Stimmbeteiligung ;-) isch das Jahr dr
aus Chiugigigu vom Jahr gwäuht worde. Aus Mitglied vor 1. Stung, zueverlässige Teilnähmer u säuber regumässige Organisator vo Events isch är ä verdiente Träger vo dere Trophäe.
Nachdäm dass es im 2004 scho si Zwillingsbrüetsch id Hall of Fame gschafft hett, isch das im 2006 o em
glunge. DGründ drfür si viusitig gsi. Zum einte isch är sit Jahre es verdients Vorstandsmitglied, zum andere isch är trotz Familie mit 2 Bébé a fasch jedem Event drbi und ... und ... und ...
I däm Jahr isch dWau zum Chiubigigu des Jahres uf e
gfaue.
Chiubigigu vom Jahr 2004 isch dr
Är hett bi dr Wau am meischte Schtimme übercho, wiu är eifach e geile Siech isch u är das Jahr a NY-Marathon geit.
O im 2003 hei sech d'Mitglider vo üsem Verein Gedanke gmacht, wär dass i üsem Jubiläumsjahr söu mit em Titu "Chiubigigu des Jahres" uszeichnet wärde. D'Wau isch uf e
gfaue.
Är isch sit dr Gründig im Vorstand vom VBCG u scho sit mehrere Jahr Präsidänt. Sis Engagement für e Verein isch einzigartig u drum hett är die Uszeichnig ganz schpeziell verdient.
O das Jahr isch dr "Chiubigigu des Jahres" erkore worde. Es hett mehreri Awärter gha u es isch es Chopf-a-Chopf-Renne worde. A dr mitternächtleche Höhleabschtimmig isch schlussändlech d'Mehrheit drfür gsi, dass dr
im Jahr 2002 dä Titu söu träge.
D'Gründ für die Wau si ungerschidlech gsi! Zum einte isch gnennt worde, dass d'VBCG-Homepage sehr guet ahchunnt u zum angere bi ig haut eine, wo immer Gas git!
Äs bruucht wahrlech viu, damit öpper dr Titu "Chiubigigu des Jahres" verliehe überchunnt. Aber wiu mir immer aues gäh (u teu sogar no meh), hett's o im 2001 öpper gschafft. Dr Chiubigigu des Jahres 2001 isch dr
Dr Grund für die Wau het uf dr Hand (oder äch uf dr Hut) brönnt. Dr Röbu het sech aus begabte Künschtler im Umgang mit Füür usegschteut. Är het im wahrschte Sinn d'Chole us em Füür ghout u sini "Grillkünscht" si i däm Jahr eifach nid z'überträffe gsi.
Äs isch wahrschiinlech ke Zuefau: Dr Chiubigigu vom spezielle Jahr 2000 isch o e Spezielle u är het die Uszeichnig ganz bsungers verdient:
Sit dr Gründig vo üsem Verein isch dr Tiff Redaktor vo üsem Vereinsjournau. Mit viu Witz, grafischem Talänt u grosser Begeischterig zouberet är au paar Mönet e Kollektion vo Erläbnisbrichte, Witze, Föteli, Biuderrätsu u sit nöischtem o "Chiubigigu-Chochrezäpt" zäme. Das ultimative Vereinsjournau isch a Humor, Spannig u Wüssenswärtem nid z'überbiete. Dä Ufwand isch meh aus gnue gsi, dass mir ihm d'Ehr hei la zuecho, i üsere Chiubigigu-Hall of Fame Ufnahme z'finge.
Dr Chiubigige des Jahres vom 1999 isch dr
Praktisch eischtimmig (ömu mit ere sehr grosse Mehrheit) isch ihm dä Priis aalässlech vom Special-Event 1999 überreicht worde. Was het är de so usserordentlech's gleischtet im vergangene Jahr? Tja, das isch nid so eifach z'erkläre, är isch nämlech für diversi "Leischtige" vorgschlage worde. Usschlaggäbend isch aber sicher gsii, dass är sech mit sim Charme dür ne bsungers iidringleche Erfoug bim angere Gschlächt het chönne uszeichne.
Dr erscht Chiubigigu des Jahres ir Gschicht vo üsem Verein het gheisse
Är het d'Ehr gha, dä Titu i üsem Gründigsjahr überreicht z'übercho. Dr Grund drfür isch gsi, dass är mit emene Velo und emene paar Tramschine so nes sensazionells, einzigartigs "Kunststück" voubracht het, wo ihm ke angere Chiubigigu het chönne nachemache. Das isch für üs Grund gnue gsi, zum ihn zum Chiubigigu des Jahres z'wähle.