Yves Käser

Ig wohne itze scho es Zitli ds Bärn mits im Chueche, ar Laupenstrasse ire 4-er WG. Ig bi dert dr Eutischt u ha die ganzi Administration unger mir. Die beide Froue u dr Kim chöme mit mim pflegeliechte Naturel guet ds Schlag, gschetzt wärde vor auem mini Chochkünscht, das isch es Hobby vo mir u wär das gärn mau weti teschte, dä oder die chöi sech o ruehig mau säuber ilade. D'Lag isch für mi aus agfrässnige Velofahrer ganz bündig, u o dr churz Usgangswäg isch nids ds vürüble. Brätt- u Chartespiu hets bi mir zu Dutzende, vo Siedler über Puerto Rico, Carrcassone bis Jassen mache ig aues gärn was mire Gamblernatur entgägechunnt. Ig mache rächt viu Sport, das isch vür mi sehr wichtig u dert geits vom Schutte, Iishockey, (Beach)Volleyball, Blade, Velofahre über etc. etc. Bi ouso ä Typ wo rächt polysportiv isch, wänt weisch was ig mein ;-) Süsch bin ig rächt e läbhafte u spontane Gsell, nimme öppe o gärn eis, u bi o für mängisch unkonventionelli Sache ds ha.