Zum üs finanziell chli z'entlaschte u vilech mau öppis Ussergwöhnlechs chönne z'ungernäh, aber ou zum angeri Lüt kennezlehre, sueche mir Gönner. Wies dr Name scho seit, si das Lüt, wo üs öppis möge gönne, ohni gross e Gägeleischtig z'erwarte.
Grad ganz zum Fänschter usgschosse isch das Gäud aber nid! Mir wärde jedes Jahr e chline Event organisierte, wo mir üs mit üsne Gönner wärde träffe us zäme wärde luschtig ha. Jede Gönner chunnt zudäm periodisch es Informations-Blettli über, wo mir drüber tüe informiere, was i üsem Verein e so geit.
Im Gönnerreglemänt si aui Details was Gönner betrifft formell greglet.
Gönnerverzeichnis: Hie chöit dr luege, wär sech bis itz scho aus Gönner het ahgmäudet.
We Dir interessiert sit, bi üs Gönnermitglied z'wärde, de chöit Dir Öich äntweder mit ere churze Notiz u Öire Adrässe via Poscht oder no besser, grad diräkt mit emene Formular aamäude. Mir wärde Öich de d'Statute, ds Gönnerreglemänt u ä Iizahligsschiin zueschicke.
Säubschtverschtändlech wärde mir Öii Aagabe vertroulech behandle und se niemerem witergäh.
Aui Fäuder mit emene * si zwingend uszfüue!