(von Silvan Martinelli)
Nachem Turnier bi ig vom Sime (besser bekannt als Tiff) aghoue worde: "Sile, du bisch dranne, ä Bricht ds schribe!!". E Widerspruch hät wahrschinlech nid emau meh dr Terminator gwagt. Ja guet, wär wagt scho e Widerspruch wenn e Chiubigigu öppis seit, aber haut emau, ig bi ja säuber e Chiubigigu???? Naja egau, schliesslech ha ig säuber o langsam ds Gfüeu gha, es wär mau nache öppis für dä Verein ds mache.................drum ha ig em Sime dä Gfaue nid wöuä verneine.
Da ig churz druf abe grad Dütsch-Prüefige gha ha (was du wolle, du mi wolle afigular, he man!), ha ig für mi dänkt, easy ig maches de nächär. Nach de Prüefige ha ig afang mau wieder einisch wöuä ds Läbe gniesse........wöuä..........dr Simeeeee het mi aber rächtzitig usem Schlaf (der gerechten) ufgweckt und mi mit emne Mahn-Mail dra erinnert, dass vo mir no Tate erwartet wärde........okay, okay ig fa ändlech a:
Ar Ichüblete 1999 hett dr Stibeeee die Idee id ds Läbe grueffe. Ig bi denzumal no am Chnöi verletzt gsi und ha für mi dänkt: da machsch sicher nid mit, es längt wenn sich die andere verletze (was meh nid immer so aues dänkt). Naja, dä Event isch nöcher und nöcher cho und mi hetts immer meh i de Bei afah chribble und nachdem dr verhinderet Maradona (Sali Sime) mi no einisch telefonisch druf aghoue hett, bi o ig sicher gsi, das wird sicher no fäge und mir wärde aui Gägner verrume (ufem Spielfeld.......ohni Hose abelah, ts, ts, ts, ts!)
Am Fritig hei mir VBCG's inklusive Groupies (Susiiii & St(r)amm) üs uf dr Schütz troffe. Mi hett gli einisch gmerkt: da trifft sich e Trupp vo junge, sportleche und attraktive MÄNNER (Habiiii, Gälänsch, Gisslänsch, Stibeeee,Sileeee, Müngeeeer, Zinsliii, Guidoooo, Säneeee, Rogeeeeer, Céduuu, Bioooonel, Möuuu....und dr Mösiö Vallotton -> dir gseht luter exotische Näme und so exotisch hei mir ou gschuttet. Mau für Mau si mir immer wieder motiviert (mängisch sogar übermotiviert, gäu Gälänsch) aträte, si gwillt gsi aues ds gäh, em VEREIN BÄRNER CHIUBIGIGLE Ehr ds mache................es isch eifach chli Schad gsi hei mir dr Bau nid so guet troffe wie üse jewilige Gägner.
Villicht spriche ig itze nume für mi, aber mi hett ds höche Niveau vo de Gägner und ds töife Niveau vö üs ziemlech überrascht. Jedefalls si mir eis um ds anger Mau ids Läre grennt/gloffe/tschaupet, guet okay villicht hetts o chli dranne gläge, dass üse Maradona, dr Sime, nid hett chönne iloufe und vo usse ds weni Ifluss hett chönne näh. Bi ihm hei höchstens ds Bier und süschtigi Sache Ifluss gha.......peace man!
Was isch süsch no ufgfalle a däm Abe?
Ja klar, die cheibe Platzspeakerin!!!!!!!!!!!!! Die sött meh einisch es Jahr lang ine Sprachkurs schicke, damit ou die ändlech CHIUBIGIGU richtig chah säge, hrmpf!
Wie oscho erwähnt ds höche Niveau, vorallem die mitkickende Froue hei wacker i de Mixed-Gruppene mitghaute. - D'CHIUBIGIGLE 1 und 2 hei doch no je 1 Match gwunne. Wenn dir bisher no nid anes Wunder gloubt heit, de gloubet itze dra.
Je länger dr Abe, je lüter d'CHIUBIGIGLE. Ig has leider nid säuber gseh, aber schinbar hett einisch ds ganze Zäut bir imaginäre Bobfahrt vom VBCG mitgfieberet. Villicht isch ja hie bereits dr Grundstein für e nöchscht sportlech Event vo de VBCG' gleit worde?
Schlussendlich hei beidi Mannschaft dr glänzendi 1. Rang erreicht...........schön wär's..........letscht si mir worde mir Pfiffene! Aber wie scho oft bimne CHIUBIGIGU-Event hett ds mitmache meh zeut als ds gwünne. So söus sy...........
